響酒店周圍影下，走廊的畫～
走廓～轉左後左邊第3間就係我地間房喇!! 呢度仲有個好處，個格局係"口"型，變左無尾房～
LIFT口~~如果帶漏野可以按機買，有飲品日用品～
提一提，韓國酒店大多數唔會提供沐浴露同牙膏牙刷，要自備的！
HOTEL LOBBY~
之後就去食野，去試下呢間當地比麥當勞人氣更強更耐的LOTTERIA，於東大門6號出口~
都幾多選擇，慣常見到既就一定有，仲蝦堡同墨魚堡～蝦堡響台灣食過，決定試墨魚堡！
W3800 a set，俾個等候牌你，佢話等5 mins...
有野食喇，個牌就會著燈同係咁震，香港要學下啦...成日嗌mic咁嘈...
熱辣辣，個汁辣辣地，好味！！不過薯條就麻麻，淡左d~
食飽飽響東大門搭4號線出發...一落地鐵站買左幾件TEE，W10000 3件，仲要連背心，平到喊～
去到首爾站一上電梯百貨公司特賣場清緊涼鞋，W50,000減到W19,000，睇得出係靚野～又買！
呢度就係首爾站望出去~
左買右買一輪正式到 LOTTE MART 掃手信!! 提一提~
除左自己個袋, 如果有其他袋拎住, 佢要你放入LOCKER的, 門口有幾十個~
可惜我地搵唔到吉既, 拎去 INFO COUNTER 都可以~果度仲有D LOCKER,
俾完姐姐有個牌仔,走先黎拎番~~另外, 手拖車是要按金的...請準備定W100~ 
哈哈, 地門是有出橙汁...另外還見到有提子汁, MINUTE MAID 都有提子汁~
好先進的電子價錢牌~
黃銅煲~~朋友話韓國人個個都用呢種煲食麵架, 好似話會特別好味~
都只係廿幾三十蚊一個, 岩岩屋企要買個新, 就一人買左一個, 哈哈~
媽媽的用後感: 煮既時候傳熱快, 所以好似快熟d, 但係煮完後煲身唔算好熱wo~positive!!
好搞笑~~
一睇就知道韓國人鍾愛辣既程度有幾高~~
好多款醃物~~
真係唔好意思, 顧住買野影少左紫菜同我地架滿滿既車~~
另外仲買左冷藏式既炒年糕, 獨立包裝既泡菜, 沖既蜜桃茶粉, 韓式果子,等等~~
而店內都有好多化妝品專櫃, 仲有小food court, 聽聞幾好食架, 不過唔夠時間了!
比預期用多左時間, 記得預多d時間呀!!! 一個pack一個箱返酒店放底 (箱是free的, 膠袋就要錢!)
放底之後就出去喇~~經過小食檔又食, 試魚卷同炒年糕隔離既雞串~~魚卷普普通通, 雞串好味!!
>>>PART 2 樂天世界 + 東大門
留言列表
