Day 3B (7/8) Terminal 21 + Thong Lo－。我的旅遊日記。

行到翟度翟都差不多收檔, 轉移陣地去曼谷全新商場!! 以不同地方為主題既~Terminal 21!
搭BTS去到Asok站, 一落車就見到架喇~~website: http://www.terminal21.co.th/

入口都好似過關過安檢咁, 不過都係做下樣架姐....(雖然....我有諗過係咪要放底野俾佢check...||| )

入到去就有多個唔同地方既時間!!

睇緊既香港人........有冇少少同感同我地既朗豪坊好似???

響未參選呢個商場前......首先衝左上5/F先~~有無發覺我地無食正餐=,=~~5/F就係醫肚果層喇!!

去左沖哥介紹既MIX RESTAURANT AND BAR! 睇睇個MENU 都好似唔錯就入左去喇~

相宜泰國fusion菜 Mix Restaurant and Bar Bangkok
http://www.thailandfans.com/eat20120217.html

店內環境

呢度係食FUSION菜, 首先有地道泰國菜!!

我地既中國菜.............當然唔會響呢度叫~~~哈!

仲有西餐~~

除左佳餚, 仲有美酒~~~有COCKTAIL, 有HOUSE WINE, 想飲兩杯既都可以滿足到!!

仲有咖啡~~~朋友係愛好咖啡之人, 佢話呢隻咖啡響香港正正就係宜家MENU上既價錢~但宜家係BATT!

好~~第1味!!! 咖喱炒蟹肉~~~蟹肉已經拆左肉, 雖則我地都知應該係雪藏蟹肉, 但仍然都係無得頂!!!

春卷蝦配酸甜汁~SHOT GLASS 上好特別, 成件事即時型曬~~睇黎曼谷都愈來愈著重包裝! 味道正常~

泰式生蝦 X 三文魚~~都係型曬SHOT GLASS上~~個汁比想像中辣!! 蝦唔太大隻但都唔錯!!

泰式炒粉絲~~就咁食都已經幾好, 我地加埋個咖喱炒蟹汁一齊食, 即時升價十倍!!!

最後就係我要求要飲既冬蔭公!!! 有成兩隻大頭蝦~~好足料!!! 好濃郁~~雖然愈飲愈辣, 但真係超正!!

呢餐埋單千鬆D~~BATT! 都值回票價既, 堅係有賣相得黎又好味~~出番出面都有唔同既餐聽!!

好喇~~開始用兩小時去暢遊幾個世界大城市喇!!~一睇到條金門橋就知我地到左三藩市! 橫誇4-5/F~

好正既M&M"S機!!!!

3/F - ISTANBUL 伊斯坦堡.......D燈好靚, 呢層主要賣ACCESSORIES~~

再落一層就係LONDON!!!

好認真...........連Security 都著英式裝束!!

d街好靚~~

紅磚~~~呢層賣男仔野多, 以為好貴啦~~原來又唔係太貴, d款幾好架!!

個郵筒同個電話亭真係正到爆!!!!

諗呢個idea 果位人兄真係好有心~~

仲有影響香港深遠既英式巴士!!!

呢度係行緊入去洗手間~~

洗手間都咁正~~~

洗手間d門仲要係london town map, 不過唔好意思影~最驚喜係呢度用日本既自動洗patpat 座廁!!

1/F 就係我最愛既日本~~東京都!!! 仲要係賣女裝~~

鳥居~^_^

好多東京都既地方名~~

HARAJUKU~~

再落就係巴黎~~但係唔算好有巴黎FEEL........

但D店舖好靚呀!!!

再落就係羅馬~~賣鐘錶為主!

最底一層我都唔知係乜, 返黎搵搵先知原來係CARIBBEAN

嘻嘻, 我地想影綿羊仔之前, 見到有家一家四口既日本人!
爸爸, 媽媽, 弟弟擺曬POSE, 大概5歲左右既家姐影~~
我睇到佢個DC MON...其實係影唔到佢爸爸媽媽, CUT左個頭.....

我就埋去同妹妹講~~"一緒に" (一齊吧)! 就幫佢地影左張全家福!!
心諗....好彩佢都仲聽得明我講乜~~嘻嘻! 當然阿靚仔後生爸爸幫番我地影!