Day 4 (7/9) 水門 + 曼谷機場－。我的旅遊日記。

未走都已經唔捨得......下次至少要去5日~~甚至更多!!吼~~~~!! 發完顛........言歸正傳~~
最後一日只剩半晝時間!! 要好好善用!! 因為友人仲有手信要掃而又唔夠錢, 就去唱多少少錢喇~~
原來響酒店轉個彎都有間money exchange, 個rate都ok, HK$1 : 4.03B , 唔係唱好多都照唱啦~~

最後一餐正餐友人要求encore海南雞!! 無問題~~kakkakkakaka!! 太正了!

友人今次唔食兩碟細, 叫左碟大, 原來大都唔大好多.....好似叫兩個細化算d!~~我仍然都係食個細!
其實一邊食.......我地有諗點樣可以take away 返香港俾屋企人試下, 不過都係怕返到去臭左~~

過黎果時見到有小食檔, 諗住食完海南雞就食, 但見到隔離檯個泰妹買入黎食~~
睇黎呢度無香港餐廳果d "不可帶外來食物內進" , 所以我地都照買少少食喇~~
炸雲吞皮雞肉 + 蝦餅!! 炸雲吞皮雞肉好味, 入面仲有少少粉絲!!!
蝦餅就真係有好多蝦仔架~~~不過就油左少少......

仲有串燒~~

之後行左一條馬路之隔既 PALLADIUM 商場~~呢個係批發商場, 不過都照做零售!!

入到去都唔係話有好多舖開左, 應該都幾新~~都見到好多泰式工藝品!

有好多舞衣~~~亦好有可能係人妖表演既歌衫!!!!

都有好幾層, 呢個SCREEN不停咁轉色.................好暈!! 不過行到3/F 已經好少舖係開左!

有影樓仔..........行到呢度~~~突然覺得好似羅湖商業城.......lol

友人響度都有收獲, 我都買左兩個好鍾意好鍾意既袋仔! 詳情睇手信篇^^!
不過可能係批發, 無價講!!! 就算有得講都唔算平得好多 (比其他地方)~~

滿足地返酒店喇~最後就係要買林真香喇!! 正正響酒店樓下, 所以我地最後一日先黎掃!! 衝呀~~~

因為有少少雨, 而且又係一人一o急+一箱, 好彩呢度係泰國, 我地今次搭的士~~
酒店幫我地搵的士, 講到明400B~~半個鐘左右就到!!! 一上車就訓到隻豬咁......
司機問我地乜野航空公司, 我地話THAI AIRLINE, 佢響DOMESTIC 放底我地囉!!!
我地似泰妹咩~~!!!???? 應該去H/J 先岩...........搞到我地行黎行去..........=,=