最緊要係買多左亦唔覺用左好多錢....見我咁講就知我掃左好多野返黎!
響呢度買俾人地多過買俾自己, 今次食既係佔最多呢~以下以HKD為單位~
打頭陣有尾站買既林真香, 又平又好食, 買黎派買黎食都抵~~哈哈!
把口成日話減肥既我都食左好多…=,=…但熱氣得黎好開心~
我自己最鍾意右下角果兩盒肉鬆蝦片!! 嫌買得少…全部承惠HK$150!
見佢平平地買黎試試或做手信, 但又出奇地好食! 特別係上排! 包裝仲有ZIP添~
反而可口魚酥分量就少左D, 俾個包裝袋呃左……老實講呢包野係超熱氣~
於響BIG C買左太多野, 唔太記得每款既$$, 呢度大概$100左右吧!
右邊米粉同麵香港都有, 但呢度 $12有10包~抵到無朋友 lol!!
至於左邊既杯麵都幾抵, 圍番都係幾蚊個啦~上面係青咖哩杯麵!
我自己超鍾意~~香港唔覺有, 下面就係新加坡都試過既冬蔭功味!
*購自Big C*
少不了睇波煲劇必備既”口立濕”! 右上角係超正既冬蔭功x 牛油帶子味薯片~
唔明點解要鴛鴦配, 雖然牛油帶子味都唔係話好差, 但冬蔭功味實在太正喇~!!
左上角係咖哩蟹味, 即係咖哩味, 唔知點解得呢款有12包一pack裝~$1@左右!
都唔錯, 口痕食一包分量岩岩好! 下面就係一堆魷魚片同花生, 都係買黎派~@@
可能我鍾意有層野包住, 所以我比較鍾意左兩排既味道, 每盒圍起都係$4左右!
*購自Big C*
友人介紹的好味咖啡, 當然要買俾鍾愛咖啡既媽媽同朋友啦~媽咪話好燶好正!
中間就係我最愛既午後紅茶, 香港既日本版十幾蚊支, 呢度就十幾泰銖一支!
雖則係比日本版細支少少, 最緊要係味道一樣, 比祖國版濃味得多! *購自Big C*
當然都要為媽媽既廚房添加D野, 就係泰國正正魚露! 仲有黃薑飯~
冬蔭功湯料~友人仲買左好多調味料, 黑白胡椒粉, 香茅香葉等等!
*購自Big C*
好多人都話泰國D葯品呀按摩膏正, 俾左個LIST我~~哈哈!
不負眾望, 買左拳師按摩膏, 看門口萬用藥膏, 薄荷膏+蚊膏等~
拳師按摩膏十幾廿蚊支, 萬用藥膏幾蚊雞, 最抵係細細支既薄荷膏+蚊膏!
做緊特價, 廿蚊六支!!! 雖然都係響BIG C買, 但藥品收錢係分開的!
唯一買唔到就係當時好用到爆既Johnson x Johnson 蚊怕水~
可惜搵唔到, 好彩見到有白色果支有香味既蚊怕lotion, 好似$12@!
阿妹用過都話唔錯, 吸收得幾快, 唔’立’, 最緊要係防蚊功效見洗!!!
今次黎到曼谷, 竟然無買bra但有買衫~~
左上角兩件就係買俾親愛既老豆, 呢度d衫XXL都有, 岩曬肥佬老豆! *購自翟道翟*$40@
右上角既GAP樓同短褲就係我既, KIDS GAP! 特價兩百幾! 短褲*購自翟道翟*$25咋!!
右下角條SPAIN褲, 德國背心+短褲 *購自big C*$55!!
鹿仔TEE*購自Asiatique*$50!! Asiatique d 野都幾ok架~
買俾最細堂細佬既泰仔童裝*購自翟道翟*講到牙血都出埋 $70一套! 真係好得意~^^
本來只係買一個~~但兩個色都好靚, 好鍾意~最後買曬!! $40@有找 (150BATT)!
返黎香港出街~~好多朋友都讚好呢!! 右下角就係翟道翟街邊買, $30!! 佢話自家做~~
左下角就係響翟道翟買既香味扇, 捕夢網(朋友話係捕曬D惡夢) XD!! 仲有兩條送禮披肩~
呢兩舊野係用黎洗白白既, 上網見到有人話好用, 買黎試下~~用完再寫番COMMENT!
友人黎到曼谷就到處搵呢類銀包, 佢話香港要成幾千蚊一個架~~
雖然周圍都見到有, 有平有貴, 幾千泰銖一個啦~ 但係揀唔岩款!
直至到翟道翟, 見到呢個款, 我自己都覺得個紋比之前睇既特別~
粒星星又靚WO!! 我都有落咀頭叫友人買, 當然我都有幫手講價啦~
最後1500BATT成交, 即係四百蚊有找~~真係平靚正, 最緊要係鍾意!
話說阿妹係JACK迷, 5蚊咋, 二話不說買左~~*購自翟道翟*
未滿一袋就開新袋, 令我阿媽好開心有咁多膠袋~~哈哈!!!! 咁多可以做手信~勁!!
最後~~我想話我發現到曼谷既7-11同BIG C既價格差得唔遠, 甚至一樣!
平時香港既7-11係比超級市場貴, 但呢度唔係架, 所以唔洗掃咁多, 買黎試下去7-11 就可以了!
留言列表
