Day 3 (9/5) 弘大 + 梨大 + 南山 + 大學路 <PART 1>－。我的旅遊日記。

唉唉～～黎到節目最豐富既第三日．．有個白痴之前兩日應碌咭又唔去碌．．
結果尋晚計計下好大機會唔夠錢用．．所以要唱錢．．又多個機會去尋覓尋覓～
首先，去酒店LOBBY問一問，不過只可以唱 US$ 同 YEN，噢～無得唱．．

酒店個姐姐好好人叫我試下去CERESTAR 或者 Migliore既MONEY EXCHANGE~
CERESTAR 都只有 US$ 同 YEN，最後響Migliore既17/F 就有喇~大家有需要就去啦!
叫KOREA MONEY EXCHANGE CO. LTD，竟然唱到新出既50000WON!! 哈哈~~

有錢就身痕．．哈哈～向弘大未來路出發！黎到有少少原宿FEEL，一出地鐵站行入少少的景象～

連KFC 同 BURGER KING 都係 24 小時的～～之後就開始見到好多潮族．．

不得不提這間ETUDE HOUSE，公主FEEL的化妝品店，周圍都有，好多都係響FACESHOP隔離~
不過酒店樓下果間D野唔齊～呢度就好齊，SKINFOOD之後就響ETUDE HOUSE掃得最多．．
佢D accessories都靚架，但有部份係抄Anna Sui，而買夠定額就會有野送，但間間都唔同，
所以要睇多幾間分店先，哈哈～我覺得佢AQUA條LINE都唔錯，仲有腳膜添，只係3000W~

行之前醫醫肚先，去了DUNKIN DONUTS～D CAKE 好靚呀...

呢間BRANCH都幾大，仲有2/F~~

1000W~1500W一個~

再去便利店買野飲，呢款係好多韓國人都飲既香蕉奶，麻麻地香蕉既我都試左～
因為怕香蕉味太重，試左藍色LITE，都唔錯呀，鍾意香蕉味就可以試番原味綠色～

有氣有力向未來路出發，沿住未來路行，唔知點解d車要泊路中心，周不時都有車行，小心小心～
的確有不同款式的衫褲鞋襪，不過都幾貴～反而賣accessories既檔口仔多野睇D～仲有價講添！

行到去呢間13OOK.COM ，入到去好多野睇，D產品似CITYSUPER, LOG-ON咁，
但係平好多，D靚靚地既單行薄都只係W1000一本，最開心買到放即影即有相既ALBUM～～
雖說係for mini 寶麗來，不過都岩FUJI MINI用，靚一靚都係港幣幾十蚊，不過都有d款係貴d~
但點都平過香港．．仲有好多唔同既精品，入面都有MMMG添，唔覺唔覺都可以行好耐架～～
Offical website: http://www.1300k.com/main/main.html

周圍街景～

如果無車行就會更好．．．

之後就見到有FUNCTION，齊齊塗鴉～

仲有畫TEE，最衰語言不通又唔知點JOIN，我都想玩埋一份．．

架車畫得好型～

仲有BAND SHOW，都幾正呀！唔識聽都FEEL到，阿韓國方大同唱得幾好～哈哈！

轉個角就見到張POSTER 原來係STREET ART FESTIVAL，怪不得咁熱鬧！

非常環保慳家的decoration～

之後就閃人向梨大出發，事實上係可以經新村行過去，不過實在太累了～

去到地鐵站增值先，好易用，已經貼左step 1,2,3，首先放T-MONEY入1既窪窪，
然後就按增值金額，之後就入錢，響第3欄顯示到增值後的總和就可以拎番出黎喇!完成!

之後就出發到梨大，響地鐵站又掃左對高爭鞋，只是W8000咋，即是50蚊左右, 好抵!!
因為肚餓就去搵野食先，PLAN左去本書介紹既同餅常餅戀，係食新潮既韓式米糕/粿~
好快就搵到間SHOP，亦MAKE SURE左門口一樣的...入到去...UM...好似個格局唔同咁既?
er...負責人姐姐望一望本書...佢話"changed"...原來易手了, 不過入左黎就食啦~~