。21-23 JUN 2013 - MACAU 即興之旅。－。我的旅遊日記。

打尖先！

超即興．．．朋友剛巧有假想出走，出發前三天說去個平平地既TRIP！話想走轉台北．．．
小姐，係咪玩野？但反正得閒無野做，即管問下，有就有但就貴囉～唔係平平地！
轉地方！快靚正既澳門，又見到明星有唔錯既PACKAGE，極速成團！！
同以前重覆既行程就唔會再打，今次只會打新野～～～

我自問就唔係貴人，但已經第三次出發時遇上颱風，好彩今次阿貝碧嘉無打正～
仲鬼死咁好天同熱．．．我地今次試新野，住金沙城中心既喜來登！氹仔落船～
金沙城中心有三間酒店，Holiday inn, Conrad 同 Sheration，Sheration分開另一架車的！

Sheration

大堂.....大堂有WIFI, 但房無囉!!!! 要俾錢, 30蚊一粒鐘 OR 120蚊廿四個鐘~~

Sheration分兩幢building，我地住浩天樓Sheration sky tower

21/F

一層都有好多間房

WASHROOM!!! BATH RUB~~~

屎坑 XD

唔少得就緊係 Sheration 名物 sweet sleeper bed，的確好好訓！

VIEW

SANDS SHOPPES

變色噴水池

有條橋駁去威尼斯人同四季，我地去八下～

有自動電梯，機場咁！

仲有星光大道，好處係～～室內！

少不了去牛記整番碟蟹黃水餃撈麵，蟹黃真係超正！！！

http://www.openrice.com/restaurant/sr2.htm?shopid=24225

去咁多次澳門都仲未去到東望洋燈塔，決定今次要去到！點知遇正纜車維修～阿姐話行上去啦！
我去既方法係搭巴士到二龍喉公園，落車行前到到就會見到入面同纜車站！

ＵＭ．．．無辦法之下．．．行行重行行～

其實就算搭纜車，之後都係要行～去到問人有兩邊路都去到！跟牌行～
但個太太話好似五點就無得入，當時已經五點半，一場黎到照上去先算！

好曬～～但個天又好靚．．．矛盾！

見到大炮，上面就應該係架喇！兜去後面望下～

出面見到個牌寫住開放時間至到下午五時半，以？但又見到隻門開左？入到去都有幾個人！

唔理，照入去！就見到颱風信號標誌．．．好大個！
但如果打十號風球．．．邊個上黎掛起個標誌？？？

因為當時澳門已經掛一號風球，所以無左個 T SIGN~~

好大個!!

好靚呀！加埋咁藍既天有少少希臘既感覺～

坐左落去擺POSE．．．但起唔番身～～哈哈！

突然心血來潮，唱左幾句 "祝君好"，寧靜沒擁抱共你可到老～～～

周圍左影右影影到日落，我諗如果呢度本身閂左門，根本唔會有東望洋燈塔既日落景！

影到呢個位，有位警察哥哥同我地講，呢個時間係唔對內開放架！麻煩你地要出番去～
良好市民當然ＯＫ！加上．．．都已經影到尾聲喇～～呵呵呵！

大愛呢幅相，忍唔到轉埋做Facebook Cover，超有感覺～嘻嘻．．．有無少少少攝影天份？！

行另一邊路落去，是緩步跑徑～都好多人黎跑架！

二龍喉公園蓮花池

去番氹仔．．．個天好靚呀！！！

唉．．．官也街都開始連鎖化，多左幾間找換店，仲有starbucks....>_<

等shuttle 去Galaxy

是關明星俾左呢兩張餐券，食左佢！

FOOD COURT 入面好幾間食肆都會標明接唔接受同可以換到咩野食！我換左呢個～

絕對可以係正餐！

返酒店沖番個泡泡浴先！

酒店望出的夜景

夜少少．．．去觀摩下 - CITY OF DREAM CLUB CUBIC

DJ OK, 但個舞池好細......擺位有少少怪.....

WOWO，FIREWORK CHAMGAGNE

CLUBBING BABIES......我地見到求愛大作戰個 Vincent...=,=
其實我無睇，咁岩未出黎之前先睇左唯一一集，佢岩岩俾人篩左～
佢 say hi 果時差d忍唔到笑.....如果唔係根本唔識你係乜水...XD

朋友話想嘆咖啡，我想食葡撻，突然想食安德魯葡撻！上網知道外賣店之外都有咖啡店！
非常好！而且朋友未去過路環，就去走轉！好在我地黎到唔太多人，一去到就有位！
http://www.openrice.com/restaurant/sr2.htm?shopid=25039

價格合理的

店內

牛肉千層麵 MOP 52

青咖哩雞批MOP 52，面頭個酥係同葡撻一樣味！

少不了葡撻~~MOP 8，個人認為安德魯好味過瑪嘉烈～而朋友亦品嚐到佢想飲既咖啡！

又想起韓劇 <宮> 既大結局!

朋友話想去求櫼，就帶左佢去媽閣廟．．．以往我只係同麻麻先會黎，第一次同朋友黎囉！

^_^

天上諸神，有求是否必應呢？

舊卻美

朋友響何生度有斬獲！"慶功，食牛什"，有無人記得邊齣戲既對白呢？

今次行程即興到爆炸，絕對考我功力！八婆，係得我陪你顛架咋！哈～
無心插柳柳成蔭，無意間影既自拍照跟6年前不約而同！2013 澳門 vs 2007 台北

雖說十年人事幾番新，其實都唔需要十年，六年已經可以番新好幾次！
其實好有感觸～呢幾年間我地身上都發生左好多大事小事令人生大起大跌...
絕對係"人情亦許多都變遷" 兼 "隨年和月身心雖秏損".....D歌詞洗唔洗咁到肉!

當年你話無左我，你可能已經唔知去左邊，好彩到我有事既時候，你還在！
而家咪好地地一齊出走！有時覺得朋友更會扶持！友共情真係可以不變～
希望下一次既旅行，唔洗等六年啦！不過下次早少少通知以便籌備，哈！