。我的旅遊日記。

終於要走喇。。。十萬個唔想走，不如扮唔見左passport?
唉，講笑姐～13:30機，基本上朝早起身響附近行下就要搭名鉄去機場了！

將行李寄倉後去搵食先～因為HKEXPRESS無餐食的!

中部國際空港d店舖都幾好行, 裝修靚靚又闊落~
好快就搵到我既TARGET喇!! 世界の山ちゃん～勁多介紹話必食既名古屋名物。其實名古屋市內有好多分店，本身係想其中一日既正餐去食，但同事話好味既程度未至於要佔左一餐既Quota，所以諗住可能有機會路經開先去，好明顯係無呢ｄ機會，好在仲有最後防線，機場！！！

因為我既失魂4點左右先返到高山，得番個半鐘左右逛下。。。

高山駅

背向高山駅行入內街，有好多唔同既手信店，小食店～

開始天黑喇，要把握時間行，因為ｄ店舖都幾早收～

要離開平湯溫泉喇，尋日黎果時落雨濕濕都無睇真附近係點，慢慢散步去平湯溫泉巴士總站喇～

尋日落雨急急腳去旅館係完全睇唔到呢個牌。。。補影番先～

周邊都係溫泉旅館，一邊行一邊看著霧出的蒸氣，暖暖的～

呢度就係平湯溫泉巴士總站，終於見番個藍天～搭濃飛巴士出番高山，可以利用埋奥飛騨まるごとバリューきっぷ兩日劵。如果黎得平湯呀高山呀白川鄉呀，對濃飛巴士一定唔會陌生，因為緊有機會搭到佢穿梭飛驒高山地區，濃飛巴士有分高速巴士，公車(普通巴士)，好似平湯溫泉來回高山就係睇公車 - 平湯溫泉／新穗高線 > 時刻表～因爲我由平湯出番高山就睇P.2, 平湯溫泉＝Hirayu Onsen，高山濃飛巴士中心＝Takayama Nohi Bus Center，一個鐘左右就到高山。

平湯溫泉巴士站
9:30上車，10:31就到高山，先行入中心買白川鄉來回飛同響對面Locker放底重些既行李。去白川鄉既巴士屬於高速巴士，搭50分鐘，以距離同各個景點既車費黎講，白川鄉的確特別貴，來回要4420yen/person! 但世界文化遺產嘛，都係要去！
另外要睇準時刻表，有R字代表要預約，我回程果時就係唔記得左，一陣講到回程再分享～去程我係搭10:50, 唔洗預約～高山濃飛巴士中心仲有好多唔同路線，但白川鄉條龍係特別多人，初初諗咁多人咪有機會要企，好在會按人數開多架車～

因為之前幾日都係早起身，今日就輕鬆d差不多中午先開始行程，11點check out到面既商店街同大和百貨行陣～

総曲輪商店街

商店街會經過大和百貨(富山店)的側門，仲以為呢邊既百貨公司應該無大城市咁多野睇，

我錯了～地下已有齊各大化妝品牌，可能唔太多人都幾好行～

大和百貨

再行前d見到有個活動咁

原來係石頭展覽，仲有得投資，我地都觀賞下

終於到達北陸地區 - 富山喇，正正結束了黑部立山之旅喇！黎到富山有個重要任務就係要買聽日去<富山-新穗高-平湯溫泉>既巴士套票-奥飛騨まるごと・バリューきっぷ，之前上網睇左富山地鉄乗車券センター可以買到，一落車就見到即入去，因為7pm就閂門架喇！

富山地鉄乗車券センター 開放時間 7am - 7pm

之前未搵到呢個套票前仲諗緊要落白川鄉先丫定係去高山，不過時間上都唔係咁好用，揾高山既資料無意中睇到呢個套票，細心睇富山出發都可以？雖然搵極絕大部分人都係由高山出發利用呢個PASS，但寫明富山出發都得就睇睇富山地方鉄道個網，原來有介紹就更肯定富山出發都可以用，pls click for details> 奥飛騨まるごと・バリューきっぷ～兩日有效承惠JPY 5,150。完全可以cover Day 4 富山 > 新穗高纜車 > 平湯溫泉 Day 5 平湯溫泉 ＞ 高山
點解咁抵？我由富山 > 新穗高纜車已經要 JPY 2060, 新穗高纜車來回 JPY 2900, 數到呢度已經同套票價差不多，而濃飛巴士都唔平，所以呢個巴士+纜車既PASS真係超值呢！

呢個就係富山出發<奥飛騨まるごと・バリューきっぷ>個樣～

返到名古屋後，快快返酒店放底野，盡量輕便，因為有位都會企足全程～出發去睇CNBLUE 5th ANNIVERSARY ARENA TOUR 2016 -Our Glory Days 名古屋站喇，YEAH！

JR ［東海道本線 (豐橋行)］ 名古屋 ---> 笠寺，約10mins

日本ガイシホール

極速去買紀念品！

今次睇到呢次演唱會真係得來不易，話說首輪只有日本fans club member先可以買飛，仲要d位只係random，全場劃一價錢，找到放飛網站之後又無日本電話no.可登記......只好託日本朋友幫忙，好好彩終於買到，仲要無坐地起價！因為已預左d位係random，有得睇已經好滿足，去到場館先睇睇坐邊，好surprise竟然係第三行！仍然唔係太相信，因為唔知會唔會好似香港咁第一行前面再加N行，入到去搵位，堅係第三行呀！超近超近呀～High翻了！腳斷了～

Great performance ever!!

跳足兩個幾鐘好餓喇～決定今晚食另一名古屋名物-鰻魚飯！點解名古屋既鰻魚飯會咁出名？原來其他日本地方係會整熟鰻魚先再醬汁去燒，但名古屋既係直接用炭燒燒到熟～