。我的旅遊日記。

到左大觀峰喇，呢度係今日往立山行程以黎比較多人既站，不過大部分人同我地係唔同路，佢地係向黑部方向～呢度比較多店舖，仲有即燒蕃薯～我地未夠鐘出去睇睇先！

開始踏上雪地喇！

好似已經好凍咁，但有太陽之下唔太凍的～

搭完無軌電車到達室堂

室堂本身有另一餐廳但已經收左，就去左立山酒店既餐廳醫肚

我地得唔太多時間，因為之後既行程都係catch尾班車，快食咖哩飯及apple pie，唔差架！

由餐廳望出去既景觀，已經急不及待想出外面喇～

好慶幸今日既好天氣～是關聽日係超大分別。。。

立山 2450M

加埋陽光仲正～

行近酒店果邊更空曠

竟然上到黎都有足湯，出煙架～

差不多要走，諗住影番張港女拋雪相，點知一手插落d雪⋯⋯凍到只拎到一舊仔，手指仲瞬間僵左，放棄 =

去搭尾班車LU

又見到雷鳥公仔，不過始終都見唔到真身～

我都想要一隻，放假時放響公司，哈哈

夠鐘閃人，就係得眼見咁多人

呢段路就係4月開山時會見到雪璧，雖然今次無，但景觀都好靚呀～

搭50分鐘高原巴士到達美女平

有10分鐘影張相去個洗手間

駅內既店舖都閂門了～突然多左行山人士一齊等車

7分鐘中落斜落斜，無乜景的～

立山駅好靜好靜，有間手信店同餐廳仔，不過好快就閂門，睇黎店員都要趕車
未夠鐘出去行下，d樹名花之里咁～見到有民宿，大多店舖都係前舖後居。

天開始黑了，睇住天色漸變好靚呀。。。

 
返去搭電鐵去富山喇～

以～～～～知就知電鉄富山係好有歷史既鉄道，果然名不虛傳！

 
車廂中間會有票機，都係第一次見～搭50分鐘，其實D站都幾密，而且大部分都好黑，係差不多到富山時先見番多D燈光。至於車廂，的確係我搭過最舊既鐵路～

講多少少電鉄富山資料啦，睇資料富山地方鉄道係昭和5年(1930年)創立，有本線、立山線、不二越線及上滝線，而家由立山開始搭就係立山線去富山，寺田可轉本線，而本線係富山<->宇奈月溫泉，就好似上一篇有提過既黑部峽谷，就會搭去宇奈月溫泉連接黑部峽谷鉄道，希望下次有機會去啦！有興趣了解更多關於富山地方鉄道可瀏覽http://www.chitetsu.co.jp/english/c⋯⋯