。我的旅遊日記。

晨早起身食完早餐，就去Frankfurt火車站搭 DB 火車去琉森～Frankfurt火車站其實都幾靚架～

Frankfurt法蘭克福係德國其中一個大城市，當然個站都有番咁上下啦！

 

我係搭 0801 Frankfurt (Main) Hbf (DE) 開出既火車，車飛係上網買定，印定出黎，車上會有職員check。大家都見到總站係Zurich蘇黎世wo, 乜唔係去Luzern琉森咩？的確係，所以我係要於BASEL轉車的～ 由Frankfurt到Luzern連轉車約4小時。

 

準時開出～好靚既太陽！

 

因為我係買2nd class無劃位，搭搭下有人話個位係佢，當然拿拿臨起番身，同時發現左位NO.旁有寫A到B地方既話就係有人reserve左，例如96位寫左Karlsruhe - Zurich，即係呢段路程就係有人劃左位，94位寫左Basel - Zurich，即係去到Basel先有人訂左位，而我係響Basel落車，即是仲可以坐喇～如果由頭到尾無人劃左位，就會寫the seat may reserve 咁上下，唔記得影底～=P

 

其實去到Basel前有個小插曲，我搭架火車雖則準時開，但坐坐下話呢架火車有delay, 約20mins左右，心諗大獲啦，咁咪轉唔切車？即刻用GOOGLE search下一班可以駁到既火車，因為delay左我都係預遲20mins既時間出定落車個門口，響走廊等落車個位既車長廣播又唔太清楚，賴野喇。。。聽唔清楚，早左同BASEL相隔幾分鐘既BASEL 'BAD'落左車，今次真係唔荒唔BAD，落左車左望右望，點解無我要轉果架車既！奔去information問，職員話，係呀，你落錯車呀，佢好好即時印張update schedule亦幫我張飛chop番個印證明有delay情況，職員話我要搭架輕鐵去番BASEL，而我得5mins去趕車，職員都話”You have to run!” 5mins聽落好似好夠咁，但我拖住個20KGS既喼，偏偏果個月台得樓梯，趕到上氣唔接下氣，好在趕到～


 

11點半去到BASEL，咁先係大站今嘛～同埋已經入左瑞士範圍，Welcome to Switzerland!

 

不過去Luzern既火車12點先開，乖乖地去月台等～

 

順利上左車，搭一個鐘左右，開始見到綠草如茵喇～

 

最後下午1點先到Luzern琉森，比原定遲左1個鐘，即去酒店放低野就去買TELL PASS同繼續行程～