12 MAY 2010 (WED)
話說好想一年去一次日本，但因為某些原因今年資金不足．．所以就諗住平少少去沖繩。
咁岩又想enjoy下陽光與海灘，而沖繩都係日本地方，完全符合晒我既要求～prefect!!
開始上網搵資料，去沖繩既直航好少，得香港快運同港龍．．港龍好貴諗都唔洗諗．．
但又唔想晒時間轉機，4月尾見到priceline做緊香港快運直航特價．．可惜非常搶手．．
check 6月都已經爆晒咁濟．．最後只好擱置9月去～滿腦子仍然是沖繩既景點＞＜
這個時候．．不可思議的事就發生了．．SPEED LIVE 2010 仲有飛??? 真的嗎???
收到呢個消息立即非常忐忑．．中學時代已經好鍾意SPEED．．上年佢地終於復出~
仲開復出演唱會．．收到呢個消息既時候偏偏就係上年3月去完日本返黎之時．．
再去既話．．太過份了吧? 當然亦無充裕既資金．．所以就無提出想去而MISS左~
睇完SPEEDLAND既DVD之後．．十萬個後悔．．個THEME仲要係我最鍾意既星星!
靈機一觸，轉PLAN! 我想任性一次!!!! 之前去沖繩係想6月去, 睇睇6月有冇開．．
響東京千葉縣有開．．一係就睇7月10/11號大阪開．．但7月暑假開始D機票貴D．．
最後決定左6月12/13號千葉縣開果場!! 同一時間CHECK下門票及PACKAGE~
問定d package．．再confirm買到門票後就即刻落訂．．成個過程好刺激．．
最後一星期內完成所有booking! 忍唔住想讚讚自己既效率! 哈哈哈哈哈~~
其實真係無乜資金．．今個月要慳慳慳! 好彩既係有幾張同事平讓的coupon可以用~
今次through 永安book．．除左係coupon原因．．唔知點解平過東瀛遊少少~
但總括黎講今年d package係貴過上年多多聲．．4日3夜已經要HK$46xx．．好赤．．
仲要間間都係咁上下, 咁即係無辦法啦，硬食！回想起上年去5日4夜都係HK$42xx咋!!
其實本來係去5月4夜, 但係D機既時間好差, 返而4日3夜好D, 凌晨機去黃昏機返...玩盡!
umum...以上係藉口一篇...(笑)
留言列表
